mangangarap pa rin

february 13, 2007

. . . .ako na maging bahagi ng buhay mo sa paraang alam ko at sa pinakamainam na panahon at direksyon- - - hindi lang ngayon, o sa oras na ito, o isang saglit. gugustuhin ko pa ring hanapin ang sulok na puwede kong angkinin at hangarin ang kung ano ang nararapat sa isang katulad ko na nagmamahal. ibabaling pa rin ang tingin sa dating tinitingnan, hindi kukurap dahil kahit na ipikit ko ang mga mata, hihilahin pa rin naman ako ng mga sandali para hanapin ka, makita ka, makasama at madama. maaaring makamit ang inaasam o maaari ring umabot ng kailanman, kabuluhan pa rin sa buhay ko ang bigay nito. hindi ko hahayaan itong mawala, matuyo at mamanhid sa damdamin ko. bubuhayin ko ang pangarap ng pag-ibig kahit na sa kalagitnaan ng kawalan. dahil sa nais kitang mahalin, hihigtan ko ang buhangin sa dalampasigan. ang salita kong hangin - - - yayakap pa rin sa iyo ng aking ngayon, kahapon at bukas. dahil nais kitang ibigin, pupukawin ko ang sarili sa lungkot at hindi lalagyan ng anumang saklaw ang nararamdaman, kahit na alam ko na sa isip at puso ko magagawa ang lahat na ito. layunin kong makamtam lahat ang pangarap sa piling mo lamang. umiyak man ako o malungkot - - - ito ang mga sentimyentong sa akin ay makapagpapasidhi ng katauhan. sa diwa ng isang manunulat na sa palagay ko ay umibig din, hihiramin ko ang kanyang mga salita sa pagkakataong ito sa naiibang pahiwatig:

"kung ibig kitang kilalaninsisisirin kita hanggang butoliliparin kita hanggang utakiilanlang ako hanggang kaluluwa mo - - dahil hubad ka doon mula ulo hanggang paa"
mangagarap pa rin ako at. . . mananaginip

***
copyright bv 2007