gusto kong maging bata muli

gusto kong maging parang bata sa puso at isipan. buhay bata na puno ng mabababaw na kasiyahan. lang ganong pinoproblema, lang iniintindi. kung meron man ay kung ano ang lalaruin at ano ang hihingin. ano ang isusuot at saan pupunta. isang bata na ang nasa ay puro lang saya. iiyak lang pag naubusan ng kendi o inagaw o nasira ang paboritong laruan o pag napagalitan. pag bata, oks lang na maging mataba, maging matakaw, maging marungis at burara. isip bata na walang kamuwang muwang. kilos bata na madaldal, makulit, matanong. bata na pedeng mababaw o malalim rin magisip. gusto kong maging isang parang bata na nakagagawa ng kalokohan o kaya isang bata nakakapagbigay ng buhay o pagbabago sa tao o sa mundo. gustong kong maging isang bata na lahat ay nasasabi na walang kibit balikat. sasabihin at gagawin kahit na nakakasakit na. okey lang. hindi nakokonsensiya. hindi nababagabag. nakakatulog pa rin ng mahimbing. pag naging bata ako uli, magiging isang libo't isang tao ako. kahit na ano pede akong "maging"kung sakaling magiging bata ako muli ang gagawin ko, iibahin ko yung landas na nilakad at tinakbo ko nung lumalaki na ako. dahil alam ko na ngayon kung saan ako pupunta, kung ano ang gagawin, bakit dapat gawin, paano at kailan at kung SINO.

***
copyright bv december 2, 2006